قصة كفاح الحاج /محمود العربى

بدء وهو 5 سنين في ابو رقبه في المنوفيه .

دخله السنوي كان 40 قرش حوش 30 واداهم لاخوه يجيب بلالين ولعب من مصر .

اول مواجه كانت اهله والقريه وقف علي المصطبه وباع كل البضاعه وكسب 10 قروش حافظ علي راس ماله وكررها في العيد الكبير.

فكر يطور ويتعلم نزل القاهره اشتغل في محل عطور لقي انه بيقفل العلب ويلزق عليها وانه مش هيتعلم سابها . .

راح محل جمله في الموسكي اشتغل فيه 15 سنه دخله اتغير من 3 جنيه ل 27 جنيه .

((( كان عنده الشغف من صغره كان بيبص للسما ويدعي يارب 100 الف جنيه ومحل البرنسيس . المحل ده كان من اكبر محلات العتبه .
كان عم رزق صاحب محل الجمله يقوله يابني ادعي بحاجه معقوله 100 الف ده كتيير اوي )))) .
الرد ده يفسرلك نجاحه : ..((قاله وهو خزاين ربنا قد ايه يعني ))

بدء يطور وفتح شركه ادوات مكتبيه مع اتنين صحابه وشريك بالمال واحد من صحابه تعب بعديها مات ورفضو يكملو .

اخد نصيب صاحبه وشغله وصرف منه علي ولاده لحد ما كبرهم ووصلهم لاعلي الاماكن بالنسبه لأدوات المكتبيه الحكومه ساعتها قررت توزعها مجانا .

المرونه بقي والخطه البديله ...

غير المجال وبدء يتاجر في الاجهزه المنزليه نجح وعمل اسم وثقه ليه كتاجر .

اتعرض عليه من وكيل اردني ياخد توكيل ماركه سانيو بس من الباطن ومايتعاملش مع الشركه رفض كان عنده حلم وشغف اكبر.

اتعرف علي طالب في الجامعه الامريكيه كان بيجيله المحل اسمه كان معروف وكان اندرو ده مندوب من شركه توشيبا عشان يشوف وكيل ليهم في مصر .

طلب ياخد التوكيل توشيبا رفضت مره واتنين وتلاته وسافرلهم وقدر يقنعهم ياخد التوكيل سنه تحت الاختبار .

نجح جدا خلال السنه وطور الصناعه وقرر يصنع ويوفر عمله ووضائف لولاد بلده بني مصنع واتنين وتلاته وطور صناعات مختلفه تليفزيون ومراوح وكاسيت وغيرها .

اما سافر اليابان انبهر بمصنع توشيبا الي بيشتغل فيه 180 الف موظف .
حلم يعمل في مصر مصنع زيه ويعين نفس العدد . اتعلم منهم اهم مبدء (( الجوده والثقه وخدمه ما بعد البيع اهم حاجه في الصناعه دي ))
استفاد من خبرتهم وعلمهم كتير .

اخد قرار صعب جدا انه يدخل في سوق من اشرس الاسواق منافسه سوق التكييف قابلته مشكله غير ان منافسه قويه ماركات مسيطره علي المجال من سنين ان كل المصانع بتبيع للتجار بنظام الاجل علي دفعات يعني وده عكس المبدء الي بني صناعته عليه .

لكن بذكائه قدر يفرض استراتيجيته علي السوق وياخد حصه من السوق ده في وقت قليل غير انه حقق سمعه طيبه ونجاح خلال وقت صغير .

الحاج محمود العربي صاحب توكيل توشيبا وشارب وفيليبس غيرهم .

قدر يبني مسجد الرحمن الرحيم بتكلفه 4 ونص مليون جنيه.

بني مستشفي في المنوفيه لااهله تكلفتها 250 مليون جنيه .

بني واحد من اكبر مراكز تحفيظ القرأن .

بيشتغل في مصنعه 21 الف لغايه شهر 12 سنه 2014 .

اجمالي ثروه الحاج محمود العربي الي بدئها ب 30 قرش في المنوفيه حاليا
مليار ونص جنيه مصري .

حصل علي وسام الشمس المشرقة واستلمه من امبراطور اليابان،
ده اعلي وسام شرفي في اليابان .
لآكتر الناس الي ليهم دور في العالم علي تعميق العلاقات بين بلادهم وبين اليابان.

من اهم كلماته
(((إننى على يقين من فكرة أن الأعمال الكبيرة إنما هى وليدة الإصرار على
تنفيذ حلم كبير، تبدأ بفكرة بارقة محددة، تستقر فى العقل لفترة حتى يضيق بها،
وتبدأ النفس الإنسانية حين تكون ذات همة وطموح وتمتلك رصيداً من الأخلاق والقيم الراسخة، فى السعى الدؤوب لتحقيق حلمها )))

الخلاصه ...

- مش مهم هتبدء منين المهم نيتك تروح فين وعزيمتك علي ده .
- مع ربنا مفيش واقعيه ادعي واسعي وصدق ومالكش دعوه .
- اوعي تفكر وانت بتدعي طب ازاي تتحقق او ربنا هيعملها ازاي اعمل الي عليك وبس .
- مش كل الناس هتكون رجال اعمال بس خلي عندك رغبه انك تكون في مكان افضل علي الاقل .
- خليك شايف القصه الي هتحكيها لولادك اما يكبرو عن ابوهم اكتب قصه تفتخر بيها سيب اثرك في الارض وحاول تنفع الناس ..